കൊച്ചി: പെരിയ ഇരട്ടക്കൊലക്കേസിലെ കുറ്റപത്രത്തില്‍ പോരായ്മകളുണ്ടെന്ന് ഹൈക്കോടതി. കേസിൽ നീതിയുക്തമായ അന്വേഷണം നടക്കണം എന്നും അങ്ങനെയൊന്ന് നടക്കുന്നുവെന്ന് കാണുന്നില്ലെന്നും കോടതി ചൂണ്ടിക്കാട്ടി.
ജിഐ പൈപ്പ് കൊണ്ട് അടിക്കുമ്പോള്‍ മുറിവുണ്ടാകുന്നത് എങ്ങനെയെന്നും കോടതി ചോദിച്ചു. ഇതോടൊപ്പം കേസ് ഡയറി ഹാജരാക്കാനും പോലീസിനോട് കോടതി നിര്‍ദേശിച്ചു. സര്‍ക്കാര്‍ പറഞ്ഞതു കൊണ്ടുമാത്രം വിശദമായി വാദം കേള്‍ക്കുമെന്നും കോടതി വ്യക്തമാക്കി. കേസ് തിങ്കളാഴ്ച വീണ്ടും പരിഗണിക്കും.
